ბრიტანული გამოცემა The Sun-ის ინფორმაციით, ჰარი კეინს კატეგორიულად აქვს გადაწყვეტილი "ტოტენჰემის" დატოვება.

ინგლისელი ფორვარდი წარუმატებლობით დაიღალა და ტიტულების მოგება სურს, რასაც ლონდონურ კლუბში ვერ ახერხებს.

წყაროს თქმით, ჰარის გეგმებში არ შედის პრემიერ ლიგის დატოვება, მისთვის ყველაზე სასურველი კლუბი კი "მანჩესტერ იუნაიტედია".

კეინმა დანიელ ლევის განუცხადა, რომ "იუნაიტედთან" მოლაპარაკებები აწარმოოს, ან კონტრაქტის ამოწურვას დაელოდება და უფასოდ დატოვებს კლუბს.

ჰარის მიმდინარე კონტრაქტი 2024 წლის ზაფხულში ეწურება, ახალი ხელშეკრულების გაფორმებას კი არ აპირებს.

"დეზებს" თავიანთი ლიდერის სანაცვლოდ მინიმუმ 100 მილიონის მიღება სურთ.