მედიასთან საუბრისას, ერიკ ტენ ჰაგმა, შეიძლება ითქვას, გლეიზერებს პირდაპირ შეუტია და მათი საქმიანობა გააკრიტიკა.

ნიდერლანდელი მწვრთნელის თქმით, ინგლისში დიდი ტიტულებისთვის ბრძოლა რთულია, ამიტომ საჭიროა კლუბში ინვესტიციის ჩადება.

"ვაანალიზებთ, რომ სწორი მიმართულებით მივდივართ, მაგრამ ჯერ არ ვართ იქ, სადაც გვინდა რომ ვიყოთ, გრძელი გზა გვაქვს გასავლელი.

ამ გუნდში დიდი პოტენციალია, რაც ამ სეზონშიც ვაჩვენეთ, ჩვენ დიდი პროგრესი გვქონდა. ეს შექება ეკუთვნით მოთამაშეებსა და მწვრთნელებს.

კლუბში იციან, რომ თუ გსურს იყო ოთხეულში და იბრძოლო ტიტულებისთვის, მაშინ საჭიროა ინვესტიცია, სხვანაირად არ გამოვა.

ეს ზამთარში ვნახეთ. ყველა სხვა კონკურენტმა დახარჯა ფული, ჩვენ კი ეს არ გაგვიკეთებია", - განაცხადა ტენ ჰაგმა.