დღეს, საქართველოს დროით 18:00 საათზე, ინგლისის ასოციაციის თასის ფინალში მანჩესტერული დერბი შედგება.

ლეგენდარული უემბლი "მანჩესტერ სიტისა" და "მანჩესტერ იუნაიტედს" უმასპინძლებს, სადაც ჩემპიონის ვინაობა გაირკვევა.

ერიკ ტენ ჰაგი მოახლოებულ მატჩში ლისანდრო მარტინესს, ანტონის, ენტონი მარსიალს, მარსელ ზაბიცერსა და დონი ვან დე ბეეკს ვერ გამოიყენებს.

თავის მხრივ, პეპ გუარდიოლას სრული გუნდი მწყობრში ჰყავს და დანაკლისის გარეშე შეხვდება მოახლოებულ მატჩს.

სავარაუდო შემადგენლობები ასე გამოიყურება:

"მანჩესტერ სიტი": ორტეგა, უოკერი, სტოუნსი, დიაში, აკე, როდრი, გიუნდოგანი, ბერნარდუ, დე ბრუინი, გრილიში, ჰოლანდი;

"მანჩესტერ იუნაიტედი": დე ხეა, ვან-ბისაკა, ვარანი, ლინდელოფი, შო, კაზემირო, ერიქსენი, სანჩო, ბრუნო, გარნაჩო, რაშფორდი.