გავლენიანი ფრანგული გამოცემა L'Equipe-ს ინფორმაციით, "მანჩესტერ იუნაიტედმა" ზაფხულის პირველი ტრანსფერი შეათანხმა.

წყაროს ცნობით, "მონაკოს" ცენტრალური მცველი აქსელ დისასი კარიერას სწორედ რომ ინგლისურ გრანდში გააგრძელებს.

მონეგასკები ევროტურნირის გარეშე დარჩნენ, რის გამოც დისასიმ კლუბის დატოვება მოინდომა, "იუნაიტედი" კი მისი მსურველი იყო.

როგორც L'Equipe იუწყება, "მანჩესტერი" 25 წლის ფეხბურთელის სანაცვლოდ დაახლოებით 40 მილიონ ევროს გადაიხდის.

როგორც ჩანს, "წითელი ეშმაკები" სატრანსფერო ბაზარზე მხოლოდ 1 მცველს არ ეძებენ.