"მანჩესტერ იუნაიტედი" მეისონ მაუნტის ტრანსფერზე მუშაობს აგრძელებს და მალე მეორე შეთავაზებასაც გააკეთებს, იუწყება Daily Mirror-ი.

გასულ დღეებში, კლუბმა "ჩელსის" 40 მილიონი გირვანქა სტერლინგი შესთავაზა, თუმცა ლონდონელებს თანხა ძალიან ეცოტავათ.

ამჯერად, "იუნაიტედი" შეთავაზებას გააუმჯობესებს და მაუნტის სანაცვლოდ პრემიერ ლიგის გრანდს 50 მილიონ გირვანქას შესთავაზებს.

როგორც ცნობილია, "არისტოკრატებს" ინგლისელის სანაცვლოდ 70 მილიონის მიღება სურთ, მაგრამ მათ მოთხოვნები უნდა შეამცირონ.

მეისონს კონტრაქტი 2024 წლის ზაფხულში ეწურება, ახალ ხელშეკრულებაზე კი უარს ამბობს, ამიტომ "ჩელსი" მისი უფასოდ დაკარგვის საფრთხის წინაშეა.

"მანჩესტერმა" მაუნტთან კონტრაქტი უკვე შეათანხმა, ახლა მთავარია კლუბი "ჩელსის" გაურიგდეს სატრანსფერო ფასზე.