ზამთრის სატრანსფერო ფანჯარა ახლოვდება, მსოფლიო ჩემპიონატიც უკვე დასასრულს მიუახლოვდა, ამიტომაც კლუბები შესაბამის სვლებს იწყებენ.

კატარის მუნდიალზე უამრავმა ფეხბურთელმა გაიბრწყინა, ერთ-ერთი მათგანი კი ხორვატი იოშკო გვარდიოლია.

"ლაიფციგის" 20 წლის მცველი გასაოცრად თამაშობს და თავის ნაკრებთან ერთად ნახევარფინალურ ეტაპამდეც კი მიაღწია.

FootMercato-ს ინფორმაციით, "მანჩესტერ იუნაიტედს" იოშკოს შეძენა სურს და მზად არის, მის სანაცვლოდ 100 მილიონ ევრომდე გადაიხადოს.

ახალგაზრდა ფეხბურთელის დამატება "მანჩესტერ სიტის", "ჩელსის" და სხვა უამრავ კლუბსაც სურს.