ძალიან სანდო ბრიტანული გამოცემა BBC-ს ინფორმაციით, "მანჩესტერ იუნაიტედმა" მეისონ მაუნტის თაობაზე მესამე შეთავაზება გააკეთა,

"იუნაიტედის" ახალი შეთავაზება დაახლოებით 55-60 მილიონი გირვანქის ფარგლებშია, რაც იმაზე ნაკლებია, ვიდრე "ჩელსის" სურს.

ლონდონურმა კლუბმა ინგლისელი 70 მილიონად შეაფასა, მაგრამ "მანჩესტერი" ამ ღირებულებას რეალისტურად არ მიიჩნევს.

მაუნტს კონტრაქტი 2024 წლის ზაფხულში ეწურება, შესაბამისად, "იუნაიტედს" არ სურს მის სანაცვლოდ ამდენის გადახდა.

როგორც ირკვევა, ეს "იუნაიტედის" ბოლო შეთავაზებაა. კლუბი ან თანხმობას მიიღებს ან ტრანსფერიდან გავა და მაუნტზე უარს იტყვის.