Sky Sport Italia-ს ინფორმაციით, "მანჩესტერ იუნაიტედი" ანდრე ონანასთვის გაუმჯობესებულ შეთავაზებას ამზადებს.

კლუბი ახალ მეკარეს ეძებს, პირველი არჩევანი კი სწორედ "ინტერის" კამერუნელი კიპერია, რომელსაც ერიკ ტენ ჰაგთან ერთად "აიაქსში" უმუშავია.

"იუნაიტედის" პირველი შეთავაზება 45 მილიონი ევრო იყო, რაზეც "ნერაძურიმ" მყისიერი უარი განაცხადა.

როგორც ირკვევა, "შავ-ლურჯებს" თავიანთი ერთ-ერთი ლიდერის სანაცვლოდ, ბონუსების ჩათვლით, 60 მილიონის მიღება სურთ.

"მანჩესტერის" მომდევნო შეთავაზება 52 მილიონი ევრო იქნება და გუნდი კიდევ უფრო მეტად მიუახლოვდება "ინტერის" მოთხოვნას.

ბრიტანულ და იტალიურ მედიას თუ დავუჯერებთ, ტრანსფერის ალბათობა ძალიან დიდია.