"მანჩესტერ იუნაიტედი" სოფიან ამრაბატის ტრანსფერზე მუშაობას აგრძელებს და პირველი შეთავაზებაც გააკეთა.

იტალიური გამოცემა La Gazzetta dello Sport-ის ინფორმაციით, ამრაბატი ერიკ ტენ ჰაგის ერთ-ერთი პრიორიტეტული სამიზნეა.

ნიდერლანდელ მწვრთნელს ნახევარდაცვის გაძლიერება სურს, მაროკოელი ფეხბურთელის უნარები და სატრანსფერო ფასი კი ძალიან აკმაყოფილებს.

როგორც ირკვევა, "იუნაიტედის" პირველი შეთავაზება 25 მილიონი ევროს ფარგლებშია და გუნდი ფიქრობს, რომ "ფიორენტინა" ამ პირობებზე თანახმა იქნება.

ამრაბატს მიმდინარე კონტრაქტი 2024 წლის ზაფხულში ეწურება, ამიტომ იტალიელებს მისი იაფად დათმობა მოუწევთ.