BBC Sport-ის ინფორმაციით, "მანჩესტერ იუნაიტედის" შვედი შემტევი ენტონი ელანგა "ევერტონის" სამიზნეებს შორის არის.

ლივერპულულ კლუბს თავდასხმის გაძლიერება სურს, ერთ-ერთი მთავარი კანდიდატი კი სწორედ ახალგაზრდა ფეხბურთელია.

როგორც ირკვევა, "კამფეტებმა" პირველი შეთავაზებაც გაუკეთეს "იუნაიტედს" ელანგას თაობაზე.

"ევერტონი" ენტონის სანაცვლოდ დაახლოებით 15-20 მილიონი გირვანქა სტერლინგის გადასახდელად არის მზად.

სავარაუდოა, რომ "იუნაიტედი" ამ თანხაზე თანახმა იქნება და ტრანსფერი მალევე შედგება.