"მანჩესტერ იუნაიტედი" ამერიკის შეერთებულ შტატებში გაემგზავრა, სადაც გუნდს რამდენიმე ამხანაგური შეხვედრის ჩატარება მოუწევს.

"არსენალთან" გასამართ მატჩამდე, ერიკ ტენ ჰაგმა მედიასთან ისაუბრა და მეისონ გრინვუდის შესახებ კითხვასაც უპასუხა.

"ეს კლუბის გადასაწყვეტია. მე ჩემი შეხედულება გაგიზიარეთ, მაგრამ კლუბმა უნდა გადადგას ნაბიჯი და ამას ყველა უნდა შევეგუოთ", - ამბობს ტენ ჰაგი.

ერიკს ჰკითხეს ისიც, ისურვებდა თუ არა თავად გრინვუდის გუნდში დატოვებას, რასაც ასე უპასუხა.

"ბევრს ვერაფერს ვიტყვი, ერთად ვნახოთ, რა მოხდება", - დასძინა ნიდერლანდელმა.

ტენ ჰაგმა რამდენიმე თვის წინ განაცხადა, რომ მას გრინვუდი ძალიან მოსწონს, მაგრამ ისევ, ყველაფერი კლუბის ბორდის ხელშია.