გუშინ, "მანჩესტერ იუნაიტედმა" ოფიციალურად გვაუწყა, რომ კრიშტიანუ რონალდუმ ურთიერთშეთანხმების საფუძველზე კლუბი დატოვა.

რონალდუ კლუბის დატოვებას სოციალურ ქსელში გამოეხმაურა, გულშემატკივრებს თბილად დაემშვიდობა და კლუბს წარმატებები უსურვა.

ესპანური Marca-ს ინფორმაციით, კრიშტიანუს დამატებისთვის "ნიუკასლი" და "ალ ნასრი" იბრძოლებენ.

"კაჭკაჭები" ამ სეზონში დამაჯერებლად ასპარეზობენ და პრემიერლიგის სატურნირო ცხრილში მე-3 ადგილს იკავებენ.

თავის მხრივ, რონალდუს ევროპაში სურს დარჩენა და მისთვის "ნიუკასლი" უფრო კარგი ვარიანტია, თუმცა სხვა წინადადებებსაც განიხილავს.