"მანჩესტერ იუნაიტედი" და "ატალანტა" რასმუს ჰოილუნდის ტრანსფერზე შეთანხმდნენ, დანიელი ოლდ ტრაფორდისკენ მიიწევს.

ბერგამოელები გარანტირებულ 75 მილიონ ევროსთან ერთად, პოტენციურად დამატებით 10 მილიონსაც მიიღებენ ბონუსების სახით.

ჰოილუნდის დამატების მცდელობა "პარი სენ-ჟერმენსაც" ჰქონდა, თუმცა რასმუსს მხოლოდ "იუნაიტედში" სურდა კარიერის გაგრძელება.

ფაბრისიო რომანოს თქმით, 1 თვის წინ, ჰოილუნდმა ახალი აგენტი დაიქირავა 3-თვიანი პერიოდით და მას ერთი მოთხოვნა წაუყენა.

"წამიყვანე მანჩესტერ იუნაიტედში ან სხვა აგენტს დავიქირავებ", - ფაბრისიოს თქმით, ეს იყო ახალგაზრდა შემტევის მთავარი მოთხოვნა.

აღსანიშნავია, რომ ჰოილუნდს იგივე აგენტი ემსახურება, ვის კლიენტებს შორის ერიკ ტენ ჰაგიც არის.