"მანჩესტერ იუნაიტედმა" ზაფხულის სატრანსფერო ფანჯარაზე რიგით მესამე ტრანსფერი შეათანხმა და რასმუს ჰოილუნდი დაიმატა.

დანიელი ფორვარდის "ატალანტადან" ტრანსფერი 75 მილიონი ევრო დაჯდა, დამატებითი 10 მილიონი კი ბონუსებზე არის დამოკიდებული.

The Athletic-ის ინფორმაციით, ჰოილუნდი მანჩესტერში დღეს გაემგზავრება და სამედიცინო შემოწმებას გაივლის.

რასმუსი 5-წლიან ხელშეკრულებას მოაწერს ხელს და კლუბს 1 წლით გახანგრძლივების ოფციაც ექნება.

თუ ყველაფერი გეგმის მიხედვით წავა, ჰოილუნდი 6 აგვისტოს, "ბილბაოსთან" გასამართ ამხანაგურ მატჩში მიიღებს მონაწილეობას.