"მანჩესტერ იუნაიტედმა" რასმუს ჰოილუნდის ტრანსფერი დახურა და ქომაგებს ის ოლდ ტრაფორდზე წარუდგინა.

დანიელი ფორვარდი "ლენსთან" მატჩის დაწყებამდე მინდორზე გამოჩნდა და ადგილობრივ პუბლიკას მიესალმა.

როგორც ჩანს, "იუნაიტედის" ქომაგებს ამჯერად რამდენიმე კვირით მოუწევთ მოთმენა, სანამ ჰოილუნდს მოთამაშის რანგში ნახავენ მინდორზე.

გავრცელებული ინფორმაციით, ახალგაზრდა შემტევი ტრავმირებულია და მცირე პერიოდის გამოტოვება მოუწევს.

რასმუსმა დაზიანება "ატალანტას" ვარჯიშზე მიიღო, რის გამოც რამდენიმე კვირა გაუცდება.