"მანჩესტერ იუნაიტედს" პრემიერ ლიგის ტოპ 6-ის გუნდთან პირველი დაპირისპირება სეზონის მეორე ტურში მოუწევს.

ერიკ ტენ ჰაგის გუნდი უკვე გაემგზავრა ლონდონში, სადაც ანჟე პოსტეკოღლუს "ტოტენჰემს" დაუპირისპირდება.

"იუნაიტედს" ტრავმების გამო ამად დიალო, ტაირელ მალასია, რასმუს ჰოილუნდი და კობი მაინო ვერ დაეხმარებიან.

თავის მხრივ, "დეზებს" ფრეიზერ ფორსტერი, როდრიგო ბენტანკური და რაიან სესენიონი აკლიათ.

სავარაუდო თერთმეტეულები ასე გამოიყურება:

"ტოტენჰემი": ვიკარიო, როიალი, სანჩესი, რომერო, უდოჯი, სკიპი, ბისუმა, კულუშევსკი, მედისონი, სონი, რიშარლისონი.

"მანჩესტერ იუნაიტედი": ონანა, ვან-ბისაკა, ვარანი, მარტინესი, შო, კაზემირო, მაუნტი, ანტონი, ბრუნო, სანჩო, რაშფორდი.

შეხვედრა 19 აგვისტოს, საქართველოს დროით 20:30 საათზე დაიწყება.