"რენი" ვიქტორ ლინდელოფის პოტენციურ ტრანსფერზე "მანჩესტერ იუნაიტედს" დაუკავშირდა, იტყობინება ფაბრისიო რომანო.

ფრანგულ კლუბს ცენტრალური მცველის გადაბირება სურს, მაგრამ, როგორც ჩანს, ტრანსფერი შეუძლებელია.

ერიკ ტენ ჰაგს შვედი მცველი სჭირდება, ამიტომაც მის გაშვებაზე კატეგორიული უარი განაცხადა და კლუბს ლინდელოფის შენარჩუნება მოსთხოვა.

თავის მხრივ, არც ვიქტორს სურს კარიერის "რენში" გაგრძელება და უკვე უარი უთხრა ლიგა 1-ის ბინადარს.

ლინდელოფს "იუნაიტედთან" კონტრაქტი 2024 წლის ზაფხულში ეწურება, მაგრამ კლუბს 1 წლით გახანგრძლივების ოფციაც გააჩნია.