10 თვის წინ
ახალი კანდიდატურა მოედნის ცენტრში - "იუნაიტედი" ვერატის ტრანსფერით დაინტერესდა
ახალი კანდიდატურა მოედნის ცენტრში - "იუნაიტედი" ვერატის ტრანსფერით დაინტერესდა
ავტორი
Aa

ფრანგული გამოცემა L'Equipe-ს თქმით, "მანჩესტერ იუნაიტედი" მარკო ვერატის ტრანსფერით დაინტერესდა.

ერიკ ტენ ჰაგს ცენტრალური ზონის გაძლიერება სჭირდება და გუნდს ახალი ნახევარმცველის დამატებას სთხოვს.

ერთ-ერთი კანდიდატი სწორედ "პარი სენ-ჟერმენის" იტალიელი მოთამაშეა, რომელსაც გუნდის დატოვება გადაწყვეტილი აქვს.

"პსჟ" ვერატის გაყიდვაზე თანახმაა, თუ სასურველ შეთავაზებას მიიღებს, მაგრამ ზუსტი მოთხოვნა არ სახელდება.

ჯერჯერობით, "იუნაიტედს" ოფიციალური შეთავაზება არ გაუკეთებია და მხოლოდ ინტერესს გამოხატავს ფეხბურთელის მიმართ.

"მანჩესტერის" გარდა, ვერატის შესაძლო ტრანსფერს "ბაიერნიც" განიხილავს.


Facebook კომენტარები