საკლუბო სეზონის განახლებასთან ერთად, კარს ზამთრის სატრანსფერო ფანჯარაც მოგვადგა, რომელიც სულ მალე გაიხსნება.
"მანჩესტერ იუნაიტედი" ახალი ფეხბურთელების დამატებაზე მუშაობს, თუმცა კლუბს კონტრაქტებზეც უწევს ზრუნვა.
ერთ-ერთი მთავარი საკითხი ალეხანდრო გარნაჩოს ახალი ხელშეკრულებაა, რადგან არგენტინელი ფეხბურთელი სეზონის ბოლოს თავისუფალი აგენტი ხდება.
"იუნაიტედი" გარნაჩოს აგენტებთან მუდმივ მოლაპარაკებებს აწარმოებს და მოთამაშეს ხანგრძლივ კონტრაქტსაც სთავაზობს, მაგრამ, შეთანხმება მიღწეული არ არის.
გავლენიანი ჟურნალისტის საიმონ ფილიპსის ინფორმაციით, გარნაჩოს წარმომადგენლებს უკვე დაუკავშირდნენ "ჩელსიდანაც".
ლონდონურ კლუბს ახალი პროექტი აქვს, ტოდ ბოელიმ უამრავი ახალგაზრდა მოთამაშე დაიმატა, ახლა კი გარნაჩოსაც უმიზნებს.
"არისტოკრატები" ცდილობენ გარნაჩოს დარწმუნებას, რათა მან უარი თქვას "იუნაიტედში" დარჩენაზე და კარიერა სტემფორდ ბრიჯზე გააგრძელოს.
ასე რომ, "წითელი ეშმაკების" საქმე გართულდა და კლუბს სერიოზული მუშაობის ჩატარება მოუწევს, რათა ალეხანდრო არსად წავიდეს.
