ზამთრის სატრანსფერო ფანჯარა დასასრულს მიუახლოვდა, კლუბები აქტიურად ცდილობენ სასურველი გარიგების დახურვას და მოთამაშეების დამატებას.

სერიოზული ინტერესია ენტონი ელანგას მიმართ, რომელიც "მანჩესტერ იუნაიტედში" სათამაშო დროს ვერ იღებს და მზად არის, კარიერა სხვა კლუბში გააგრძელოს, თუნდაც იჯარით.

ფაბრისიო რომანოს ინფორმაციით, შვედი ფეხბურთელის იჯარით დამატების სურვილი უკვე გამოთქვეს "ბორუსიამ", "პსვ"-მ და სხვებმა, ჯამში კი თითქმის 10-მა კლუბმა.

ამ დროისთვის, ელანგას გაშვებაზე უარს თავად ერიკ ტენ ჰაგი აცხადებს, მიზეზი კი შემადგენლობის სიმწირეა. ერიკ ტენ ჰაგს შეტევაში ბევრი არჩევანი არ აქვს, ამიტომაც ელანგას დატოვება სურს.

წინ დრო კიდევ არის, შესაბამისად გადაწყვეტილი არაფერია.