"მანჩესტერ იუნაიტედის" აკადემიის ერთ-ერთი გამორჩეული ფეხბურთელი ჩარლი მაკნილი სეზონის დარჩენილ ნაწილს იჯარით "ნიუპორტ ქანთიში" გაატარებს.

19 წლის ცენტრალური ფორვარდი ინგლისის რანგით მე-4 დივიზიონის გუნდში ითამაშებს, რის შემდეგაც "იუნაიტედს" დაუბრუნდება.

მიმდინარე სეზონში, ჩარლი "მანჩესტერის" 21-წლამდელთა გუნდში დააწინაურეს, სადაც მისი ციფრები არც თუ ისე შთამბეჭდავია. 17 თამაშში მაკნილმა მხოლოდ 4 გოლის გატანა მოახერხა.

"წითელი ეშმაკების" 18-წლამდელთა გუნდში მაკნილს 35 შეხვედრა აქვს ჩატარებული, სადაც ნამდვილად გასაოცარი სტატისტიკა დააფიქსირა - 34 გოლი და 11 საგოლე გადაცემა.

ამ დროისთვის, "ნიუპორტი" ინგლისის მეოთხე ლიგაში მე-19 პოზიციას იკავებს.