ერიკ ტენ ჰაგის მოთხოვნით "მანჩესტერ იუნაიტედი" ზამთრის სატრანსფერო ფანჯარაზე შემტევის გაფორმებას შეეცდება.

The Mirror-ის თქმით, ნიდერლანდელი მთავარი მწვრთნელი "ფლამენგოს" შემტევის გაბრიელ ბარბოსას შეძენას ითხოვს.

"გაბიგოლად" ცნობილი ფორვარდი ევროპაში აქამდეც იყო, თუმცა "ინტერში" თავი ვერ გამოიჩინა და ისევ სამშობლოში დაბრუნდა.

ბარბოსას კლუბთან კონტრაქტი 2024 წლის ზაფხულში ეწურება, ამიტომაც "ფლამენგო" მას მხოლოდ 20 მილიონ ფუნტად დათმობს.

27 წლის ფორვარდს "ფლამენგოს" მაისურით ჩატარებულ 246 მატჩში 139 გოლი და 38 ასისტი მოუგროვდა.