ზამთრის სატრანსფერო ფანჯრის ბოლო დღე უკვე მოვიდა. კლუბებს რამდენიმე საათი დარჩათ, რათა სასურველ ტრანსფერზე შეთანხმებას მიაღწიონ.

"მანჩესტერ იუნაიტედი" ფეხბურთელების დამატებას არ აპირებს, მაგრამ, შესაძლოა კლუბი რამდენიმე მოთამაშემ დატოვოს. მათ შორის არიან ენტონი ელანგა, ფაკუნდო პელისტრი, ვიქტორ ლინდელოფი და სხვები.

La Gazzetta dello Sport-ის ინფორმაციით, ინგლისურ კლუბს "ინტერი" დაუკავშირდა და ორი ფეხბურთელის შესაძლო ტრანსფერზე გაესაუბრა.

"ნერაძურის" დაცვის გაძლიერება სურს, მათ სამიზნეში კი ვიქტორ ლინდელოფი და ჰარი მაგუაიერი მოხვდნენ. იტალიელებს რომელიმე მათგანის იჯარით დამატების ვარიანტი ხიბლავთ.

ამ დროისთვის, "მანჩესტერი" არ განიხილავს მათ გაშვებას და ტრანსფერზე უარს აცხადებს.