სულ რაღაც რამდენიმე საათიც და ზამთრის სატრანსფერო ფანჯრის კარი ინგლისური კლუბებისთვისაც ჩაირაზება.

"მანჩესტერ იუნაიტედმა" ფეხბურთელების დამატება შეწყვიტა, ახლა კი ბოლო კითხვა ის არის, დატოვებს თუ არა ვინმე გუნდს უახლოეს საათებში.

მთავარი კანდიდატი ენტონი ელანგა იყო, რომლის მიმართ ინტერესი უამრავმა კლუბმა გამოთქვა, თუმცა ერიკ ტენ ჰაგმა ყველა შეთავაზება უარით გაისტუმრა.

ელანგას დამატება დღეს "კრისტალ პალასმაც" სცადა, მაგრამ ნიდერლანდელ მწვრთნელს შემტევის გაშვება არ სურს, რადგან ისედაც მცირე შემადგენლობა ჰყავს.

ასე რომ, ელანგა ოლდ ტრაფორდზე რჩება.